[品味人間]
有日突然好想食灣仔嗰間米芝蓮燒鵝，點知排左三四十人，無心機又無時間等位。於是諗住求其搵野食。行下行下見到有間新開麵店，食墨魚相關食品。
佢主打墨魚丸(有墨汁及普通墨魚丸), 墨魚頭同埋墨魚卷。我試左個墨墨享受，有兩種墨魚丸同埋墨魚頭，要左個魚麵。佢係可以揀河粉，普通麵，魚麵，墨魚汁魚麵等等。上枱時，覺得細碗左 dd, 不過湯底無乜味精，夠健康！食完都無乜囗喝，good! 兩款丸好彈牙，好香！重點係裡面有粒粒墨魚，所以個囗感超好！層次亦豐富了！出面好多舖d丸都好粉，勁難食，呢度抵讚！！個墨魚頭不得不讚！！唔係就咁白灼架，係有心思咁用椒鹽調味，所以勁惹味！真係好少舖會咁做。配埋個湯，好yummy！！另外個魚麵好彈牙，誇張d講，用嚟跳繩都得！不過份量就較少，所以唔夠飽。
除左食物出色，服務亦好好！地方亦好整潔！
呢個lunch 加埋凍檸茶，大概 HKD 48. 個人認為呢個價有高質素lunch, 值！
提外話，佢有一斤斤墨魚丸等材料供選購。
邊樹？
九龍城寨, 灣仔軒尼斯道254號
Search